ఒకప్పుడు మోదీ చంకలునాకే మీడియాని "గోదీ మీడియా" (lapdog media) అనేవాళ్ళు. ప్రస్తుతం వీళ్ళకి B&D media గా ప్రమోషన్ వచ్చింది. B&D అనగా "భడవ మరియూ దలాల్" కి సంక్షిప్త రూపం. భడవ అంటే వేశ్యలను సప్లైచేసేవాడు, తార్పుడుగాడు, pimp అని అర్ధం. దలాల్ అంటే బ్రోకర్. ఈ B&D మీడియా చేసేదేంటంటే establishmentకి తమను తాము తార్చుకోవడం. ప్రస్తుతానికి establishment చంకలేకాదు ఏదైనా నాకటానికి సిధ్ధమయ్యేవాళ్ళు చాలామందే ఉన్నారు. వాళ్లందరికీ ఆద్యుడు అర్ణభుడు.
అర్ణభుడు ఎవర్నైనా ఒకాట ఆడుకోవాలంటే ఒక బకరాని చర్చకంటూ పిలుస్తాడు. ఆ బకరాతో ప్రతిచర్చకని ఒక పదిమందిని పిలుస్తాడు (చిన్నప్పుడు తిరునాళ్ళలో మీ పిల్లలో, తమ్ముడో తప్పిపోతే, వాళ్ళు ఈ ప్యానల్లో కనబడే అవకాశం ఉంది. అంతమందుంటారు ప్యానల్లో). ఈ పదిమందితో తానూ కలుస్తాడు. ఇహ రచ్చ మొదలు. ఈ పదకొండుమందీ చెప్పేదానికన్నా ఈయనొక్కడు అరిచేది ఎక్కువగా ఉంటుంది. బకరాని అరవొద్దంటూనే ఈయన అరిచేస్తాడు. ఇంకొన్నిసార్లు సిగ్గు పూర్తిగా విడిచేసి అరిచేహక్కు తనకే ఉందని నొక్కివక్కాణిస్తాడు. చాలా కొద్దిసార్లు బీజేపీవాళ్ళని కుంచెం విమర్శిస్తాడు. ఇప్పుడైతే ఆ మర్యాదకూడా వదిలేశాడు. ఈయన నిజాయితీ గురించి నాకు తెలిసిన విషయాలు కొన్ని:
ఒకసారి అర్ణభుడు బెంగుళూరునుంచి ఇంకెక్కడికో వెళుతున్నాడట. ఆ సమయాన ప్రభువులవారికి బెంగుళూరు విమానాశ్రయంలో తగినంతమంది security personnel లేరు అనిపించిందట. ఇంకేం! అక్కడి అధికారులను పిలిచి ఆరా తీశారట. అక్కడి అధికారులేమో "ప్రభూ... ఎప్పుడూ ఉండేంతటి సెక్యూరిటీయే నేడునూ యున్నది. అదియునూగాక ఈ విమానాశ్రయమునకు ఉగ్రవాదుల నుంచి ముప్పు యున్నటుల మాకు సమాచారము కూడా లేకున్నది" అని విన్నవించారట. అంతట అగ్రహోదగ్రులైన ప్రభువులవారు "ధిక్కారమున సైతునా! నేటి రాత్రికే నా ప్రోగ్రామురాజమందున మీ అందరికీ నూరు కొరడాదెబ్బలు శిక్షగా విధించెదను" అని రెచ్చిపోయారట. ఇదంతా తెలుసుకున్న అక్కడి అధికారులు "ఈ మూర్ఖాగ్రేసరునితో తంపులుబడుటకు సమయమిదికాదు. ఈ మూర్ఖుడు మన విమానాశ్రయమును వీడి వెళ్ళువరకూ మరికొందరు తాత్కాలిక సిబ్బందిని విమానాశ్రయ రక్షణభారముకై నియమించెదము" అని అనుకొని ఆవిధంగా ముందుకు పోయారట.
ఆమధ్యొకసారి ఉత్తర్ ప్రదేష్లో అనుకుంటాను cloud burst వల్ల వరదలొస్తే, మోదీ అనబడే superman విమానాల ద్వారా వేలమంది గుజరాతీయులను తరలించినట్లుగా బీజేపీ నాయకత్వం డప్పుకొట్టుకుంది. తరువాత తెలిసిన విషయమేంటంటే ఆవార్త నిజం కాదుట. అర్ణభుడికి కాలింది. వెంఠనే బీజెపీ నాయకురాలిని ఒకర్ని పిలిచి "వార్తని confirmచేసుకోకుండా, మీ ప్రచారానికి వాడుకోవడానికి సిగ్గులేదా?" అని రెచ్చిపోయాడు. చాలా సంతోషం. కానీ అసలు విషయమేమిటంటే... superman మోదీ గురించిన ఆ వార్తను ప్రచారంలోపెట్టింది ఆయనగారు పనిచేస్తున్న చానలే!! ఈయన వెరిఫై చేసుకోకుండా ప్రసారం చెయ్యొచ్చు. అది తప్పుకాదు. దాన్నెవరైనా వాడుకొంటేమాత్రం వాళ్ళు వెరిఫైచేసుకోవాలి. ఇదెలా ఉందంటే నేను విస్కీబాటిల్లో విషం పోసి అమ్మేస్తాను. కొనుక్కొని తాగేముందు వినియోగదారుడే అది విస్కీనా కాదా అని నిర్ధారించుకోవాలి. నేను ఏ బాధ్యతా తీసుకోకపోయినా వినియోగదారుణ్ణి విమర్శించే హక్కుమాత్రం నాకుంటుంది. దీనినే caveat emptor జర్నలిజం అందురు.
గుజరాత్ అల్లర్ల సమయంలో గుజరాత్ సీయం మోదీ నివాసానికి కారులో వెళుతున్నప్పుడు తనమీద కొందరు (అనగా ముస్లింమూకలు అని భావము) దాడిచేశారని స్టూడియో ఎక్కి అరిచాడీ ప్రబుధ్ధుడు. అసలు విషయం ఏమిటంటే ఈ ప్రబుధ్ధుడు ఆసమయంలో అసలు గుజరాతే వెళ్ళలేదట! అర్ణభ్ విశ్వసనీయత అర్ధం అవుతుంది. ఇప్పుడు ఇదే డ్రామా మళ్ళీ మొదలెట్టాడు. ఈయనమీద దాడిచేసిన జనాలు తన సెక్యూరిటీ చేసిన ఐదు నిముషాల 'ఇంటరాగేషన్'లో తమ తప్పును ఒప్పేసుకోవడమేగాక ఏకంగా సోనియా గాంధీయే తమను పంపించిందని చెప్పేసారట! అందుకే అంటారు హిస్టీరియా రిపీట్స్ అని.
మొన్నటికి మొన్న భాంద్రా రైల్వే స్టేషన్లో వలసకూలీలు నిరసన తలపెడితే. "వాళ్ళందర్నీ మసీదుముందు పోగేసింది ఎవరు? అసలు మసీదుముందే ఎప్పుడు జనాలు ఎందుకు పోగుపడుతుంటారు?" అని గొంతుచించుకున్నాడీ వీరుడు. అసలు విషమేమిటంటే భాంద్రా స్టేషన్నానుకొనే ఒక మసీదుందట. వలసకూలీలు స్టేషనుముందు కూడితే వీడుమాత్రం మసీదుముందు కూడారు అని చెప్పుకొచ్చాడు. మరిందులో మసీదుపెద్దల involvement లేదా? తప్పకుండా ఉంది! మసీదువాళ్ళు చేసిందేమిటయ్యా అంటే పోలీసుల విఙప్తి మేరకు మసీదులోని లౌడ్ స్పీకర్లలో "నాయనలారా గుమిగూడవద్దు. కరోనాను దృష్టిలో ఉంచుకొని, ఇక్కడినుంచి త్వరగా వెళ్ళిపోండి, మీ ఆరోగ్యాల్ని రక్షించుకోండి" అని చెప్పడమే ఆ మసీదు యాజమాన్యపు involvement. యూట్యూబులో దీని వీడియోలున్నై, fact checking వెబ్సైటులున్నై. ఇలాంటి వీడియోలు చూశాకకూడా అర్ణభుడు తను నమ్మిన అబధ్ధాలను చెబుతూనే ఉన్నాడు. ఇంతాచేస్తే ఈయన స్టూడియోకు కేవలం ఇరవై నిమిషాల దూరంలో భాంద్రా స్టేషనుందట. నిజాలపై మోజున్నవాడే ఐతే భాంద్రాలో గ్రౌండ్ రిపోర్టింగ్ చేసుండేవాడు. మనక్కావలసింది అది కాదుకదా!
ఇది ఇంకా తాజా వార్త: పాల్ఘర్లో సాధువులపై దాడి జరిగితే, ఆ చేసింది ముస్లిములే అని డిబేట్లు నడిపాడు. తీరా పోలీసులు "అదేమీ కాదబ్బాయ్. జరిగిన దాడిలో మతకోణంలేదు, అసలు దాడి చేసిందికూడా హిందువులే" అని చెబితే... కనీసం తను అప్పటిదాకా వాగిన సొల్లువాగుడుని retractకూడా చెయ్యకుండా మూసుక్కూచున్నాడు వెధవ. అంటే జనాలు నరుక్కుచస్తే ఈ శాడిస్టుకు ఆనందమన్నమాట.
ఆమధ్య కునాల్ కమ్రా అనే standup comedian విమానంలో తనను ఇబ్బంది పెట్టాడని వ్యక్తిస్వేఛ్ఛ, హక్కులూ అని టీవీలో పడేడిశాడు. మరి బాబుగారు స్టూడియోల్లో చేస్తున్నదేమిటి? heckling అనేది ఐస్క్రీం తినడంలాంటిది. మనం ఐస్క్రీం తింటున్నప్పుడు బాగనే ఉంటుంది. అదే ఐస్క్రీం మనమీద పడితే? ఈమొత్తం వవహారమ్మీద వరుణ్ గ్రోవర్ అనే ఇంకో standup comedian చేసిన వ్యాఖ్య నాకు నచ్చింది. అతనంటాడూ.. "heckling is right because... slapping wold have been wrong".
ఇంతటి వీరాధివీరుడైన, అరివీరభయంకరగళశాలి అర్ణభుడు కుక్కపిల్లలా మారిపోయి చేసిన ఇంటర్వ్యూ ఒకటుంది. అదేందంటే ఉధ్ధవ్ ఠాక్రేతో అర్ణభ్ చేసిన ఇంటర్వ్యూ. చాలా ఫన్నీగా ఉంటుంది. కుర్చీలో ఒకమూలకి ఒదిగిపోయి, వినయంతో ప్రశ్నలు అడిగి, ఉధ్ధవ్ చెప్పే సమాధానం పూర్తయ్యేదాకా మూసుకొని విన్నాడు. మొదట్లో కొంచెం తోకాడించినప్పుదు ఉధ్ధవుడు కొరడా ఝుళిపించడాలు, తుపాకీతో గాల్లోకి కాల్చడాలూ, కరెంటు షాకులివ్వడాలూ గట్రా చేశాక, పూర్తిగా కుక్కపిల్లలా మారిపోయి కాళ్ళునాకిన అర్ణభుణ్ణి చూస్తే చాలా ముచ్చటేసింది.
