మొన్న కురిసిన వానకి నా దగ్గరున్న గాడిదలన్నీ చెదిరిపోవడంతో, గాడిదలు కాసేపనికూడా లేక, ఆదుర్దినాన సహజ యోగ అనబడే ఒక meet upకి వెళ్ళి చచ్చాను. ఏడున్నరకి మొదలవ్వాల్సింది, ప్రొజెక్టరుగారి, మరియు ఆడియోసిస్టంగారి ఆశిర్వాదంతో ఎనిమిదికి మొదలయ్యింది. ఆవిడెవరో "ష్రీమాటజీ" అట. ఆవిడ భక్తుడు "ప్రేం" అట (అతని అసలు పేరు పీటర్. ఇండియాలో మతమ్మారాక "ప్రేమ" అనే పేరు ఏ పామేలానో, పెట్రానో అవుతుంది. ఇక్కడ రివర్సు). ముందుగా వీడియోల్లో యోగాసనాల్నీ, ఖేచరీ యోగాన్నీ ఖండించారు (సంతోషం. వేమనకూడా "ఆసన యోగంబు అధమయోగంబు" అన్నట్లు గుర్తు). ఇహ నా సామిరంగా "పటాంజలి" యోగ సూత్రాల్ను వివరిస్తుంటే పిచ్చెక్కిపోయింది. ఇక అదంతా అయ్యాక "చాక్రా"స్ గురించి వివరించారు. అన్నట్లు మాస్టారు "కుండలీని" (అనగా కుండలిని) మూలాధారంవద్ద చుట్టచుట్టుకొని ఉంటుందన్న వాదనే చాలామంది సంప్రదాయవాదులకి కోపంతెప్పించింది అంటారు. వీళ్ళేమో దాన్నే ఫాలో అయిపోయారు. గురువు ప్రేం గారికి చాక్రాస్ పేరు పలకడమే రాలేదు. "నేములోనేముంది?" అనుకొని ముందుకు కదిలినా తరువాత జరిగిన ధ్యానప్రక్రియ నవ్వు తెప్పించింది.
గురువుగారు కళ్ళుమూసుకొని ఒక్కొక్క చాక్రాపై చేతినుంచుకొని (మీద చేతులుముకొని మంత్రాలు చదివే చాక్రాస్లో మూలాధార చాక్రా లేదు. ఎందుకోమరి?), మంత్రాలు వాడి నోటికి ఏ నంబరొస్తే అన్నిసార్లు మంత్రాన్ని చదవమన్నాడు. అందులో ఒకనొక మంత్రం ఇలా ఉంది "ష్రీమాటజీ ఓడర్ ముట్టర్ కుండలీని, బిట్టె గిబ్ మీర్ ఫ్రైహైట్". స్వాతంత్ర్యం అనేది అడుక్కుతెచ్చుకొనేదని నాకు అప్పుడే అర్ధమయ్యింది. అలా ఈ ప్రహసనం ముగిసాక, గురువులవారు శిష్యులకు (అనగా మాకు) మూలాధార చక్రంనుంచి ఉట్టిపడుతున్నదానినేదో చేత్తే తీసుకొని సహస్రారచక్రంలో (అనగా తలమీద) పోసుకొమ్మని చెప్పారు. కువ్వెన లేని కారణంగా శిష్యులందరూ మూలాధార చాక్రా నుంచి ఊడిపడుతున్నది ఏదైతే ఉందో దాన్ని ఎత్తి పట్టి దీపంబుడ్డీలో కిరసనాయిలు పోసినట్లు పోసుకోవడం మొదలెట్టారు. ఈ తంతు చాలదన్నట్లు, చాక్రాస్ను బయటనుంచి తిప్పవచ్చు (నాకెందుకో బస్టాండ్లో వెయింగ్ మషీన్లో ఉండే రంగురంగు చక్రాలు గుర్తొచ్చాయ్) అని చెప్పాడు గురువగు పీటర్. ఇహ చూడు నాసామిరంగా... రంగుల రాట్నం ఎక్కడానికి పిల్లలు పోటీపడ్డట్టు ఒక్కొక్కడి వెనకా చేరి ఈ చాక్రాస్ ని తెగతిప్పారు (నాకు చిన్నపిల్లలు బొమ్మలకు "కీ" ఇవ్వడమూ, పాత కాలపు కార్లని స్టార్ట్ చెయ్యడానికి చక్రాన్ని తిప్పడమూ గుర్తొచ్చాయ్). నూటెనభై నిముషాలు నాకు బొక్క!!
ఇక ఎనర్జీ గురించి క్లాసుపీకినప్పుడు మాత్రం నేను ఇలా ఆలోచించడం మొదలుపెట్టాను: హిందూ సాములాళ్ళకి తాము వాగే వాగుళ్ళకి సైన్స్ని అద్దాలనిపిస్తే వాడే వదాలు "ఫిజిక్స్", "ఎనర్జీ", "రేడియేషన్", "వేవ్స్/తరంగాలు", "వైబ్రేషన్స్". ఈ గాడిదలకి వాటి గురించి ఏ అవగాహనా ఉండదు. ఈ పడికట్టు పదాలుపయోగించి వీళ్ళు వివరించేదేమీ ఉండదు. జస్ట్ ఆ పదాలు వాడుకుంటారంతే. ఒకానొక తెలుగు హిందూ బ్లాగులో దర్భలు గ్రహణానంతర "రేడియేషన్"ని ఏ విధంగా తొలగిస్తాయో వివరించారు (ఏ తొక్కలో రేడియేషన్ స్వామీ?). ఇంకొక ప్రముఖ హిందూ సైంటిస్టు బ్లాగరు పేర్లలో స్పెల్లింగు మార్చడంవల్ల, ఆపేరుని పిలిచేవారి నోటినుండి వెలువడిన "తరంగాలు" పేరు మార్చుకున్న వ్యక్తి జీవితంపై ప్రభావితం చేస్తాయని కూశాడు. నాకర్ధం కానిదేంటంటే ఇండియలో 90 శాతమ్మంది వెధవాయిలు కాబట్టి, ఇలాంటివన్నీ నమ్ముతుంటారు. జర్మనుల్లో ఒకశాతమైనా ఇలాంటి చెత్త నమ్మరు అనుకున్నాను. అంతలా నమ్మాలనుకుంటే "పవిత్రాత్మ", "ప్రభువు" వగైరాలతో కూడిన చెత్త ఎలాగూ ఉందిగా మళ్ళీ ఇంపోర్టెడ్ చెత్త ఎందుకు?. దురదృష్టవశాత్తూ పరిస్థితి అలా లేదు. ఇండియన్లు తెల్లవాళ్ళు రీసెర్చి చేశారు అనగానే గంగిరెద్దుల్లా తలూపి దాన్ని స్వీకరించినట్లు, తెల్లవాళ్ళుకూడా ఇండియానుంచి ఏదైనా వచ్చిపడిందంటే అది ఖచ్చితంగా పనికొచ్చేదే అని నమ్ముతారన్నమాట.
