ఈమధ్య తెలుగు పత్రికల్లోనూ, తెలుగు బ్లాగుల్లోనూ 'చైనా' అనుండాల్సిన చోటల్లా 'డ్రాగన్' అని వాడుతున్నారు. ఏదో ఒకటి రెండుసార్లు వాడితే విలే'ఖరము' రొమాంటిక్ మూడ్‌లో ఉండి అలా వాడుంటుంది అని అనుకుంటాం. అదే 'చైనా' అనున్నచోటల్లా 'డ్రాగన్' అని వాడితే ఆ రొమాంటిక్ మూడ్ 'భయ'మేమోనని అనుమానం కలుగుతుంది. ఒకదేశం పేరుచెప్పడానికి ఈ విలేఖరములు ఎందుకు భయపడాలి? ఐనా పేరు నేరుగా చెబితే చైనా ప్రభుత్వం తలకొట్టి మొలేస్తుందా? అదీ చూద్దాం! పేరు చెప్పడానికే వీళ్ళు ప్యాంట్లెందుకు తడుపుకుంటున్నారు?
ఇదర్జంటుగా మారాలి లేకుంటే ఇది ముదిరి, 'చైనా' అనున్నచోటల్ల్లా 'డ్రాగన్'ని ప్రతిష్టించే ప్రమాదముంది.
ఉదా:-
- యూనాన్ దక్షణ డ్రాగన్‌లోని ఒక ప్రావిన్సు.
- దక్షణ డ్రాగన్ సముద్రము మరియు ఉత్తర డ్రాగన్ సముద్రము.
- భారత-డ్రాగన్ యుద్ధము.
ఇదింకా ముదిరితే 'ఇకనుంచైనా మనం మారాలి'ని 'ఇకనుండ్రాగన్ మనం మారాలి' అని రాసుకొనే రోజులొస్తాయి 😆
